موضوع: هاااااااام جدااااااا لكل الاعضاء الثلاثاء فبراير 14, 2012 3:31 pm
انت عضو متصل ولا منفصل ؟؟؟؟؟!!!!!!
اذا كنت منفصل فا انت مش عضو لان العضو هو جزء من كيان ولازم يكون له فعالية
بمعنى جسم الانسان عبارة عن ترابط مجموعة اعضاء كل عضو فيها له دور مهم
انت بقى عضو متصل ولا منفصل ؟؟ متصل بباقى الاعضاء ولا منفصل عنهم ؟
عايزين نكون اسرة واحده مترابطة مشاركة مع بعضها لازم يكون لنا روح الجماعة
كل واحد منا يشوف نفسه كام مره دخل فيها المنتدى؟؟ طب واخر زيارة كانت امتى ؟؟ طب عدد المشاركات كام ؟
ارجو من جميع الاعضاء انهم يخرجوا من عزلتهم وينفتحوا على باقى الاعضاء وعلى باقى الاقسام ماينفعش خالص اللى بيحصل ده كل واحد يدخل المنتدى من غير ما يشارك بموضوع ولا حتى يرد على الاعضاء اللى تعبوا وشاركوا بمواضيع داخل المنتدى كدا يبقى احنا مش هنستفاد ولا هنفيد كل واحد منا فى حلقة مغلقة مش بيخرج منها
ادخل شوف المواضيع الجديدة وقول رايك فيها بصراحة و بدون تجريح
هتقولى أقسام المنتدى كتيرة قوى وانا مش فاضى ومعنديش وقت لكل ده هاقولك مش لازم الاقسام كلها ،،،، ادخل 3 أقسام بس وحاول تحط مساهمة واحده لكل قسم سواء موضوع جديد أو رد على موضوع عجبك
يعنى مطلوب منك 3 مساهمات كل يوم ،،،، صدقنى مش هتاخد أكتر من 10 دقائق بس
عايزين نحس بجد ان احنا بنستفاد من المنتدى عايزين نحس ان احنا اسرة واحدة مش عايزين يكون بنا انفصال عايزين يكون بنا اتصال
تكون عضو متصل بالاخرين - مش منفصل عنهم وعلشان نحس ان احنا اسرة واحده لازم الاول نشوف مواضيع بعض ونتناقش مع بعض و،، ونقول راينا لبعض
يعنى لما الاقى هعضو جديد حاطط موضوع جديد لازم ادخل وارد عليه علشان اشجعه ان يكتب مواضيع تانى
انا ملاحظ ان بعض الاعضاء عملت شغل كويس قوى فى البداية بس بعد كده مش عارف تراجعت ليه ؟؟
ياجماعة علشان اكون شخص ايجابى لازم ابادر وادخل واشوف الموضوعات الجديدة واقدم اراء وحلول واقتراحات للمنتدى
صدقونى لو كل واحد فينا بدأ انه يبادر و يشارك
هيحصل تواصل بنا مش هيبقى فيه انفصال لانه مش معقول هتبادر ومحدش يرد عليك بكده هتكون انت عضو متصل مش منفصل
مش لازم نركز على حاجة معينة ،،،،، لازم يكون فيه اكتر من طريقة للتواصل والمشاركة
شبااااااااااااااااااااااب ياريت أشوف مشاركة منكم أفضل من كده
تدريب عملى لكل الاعضاء حاول ان يكون ليك 3 مساهمات بس يوميا
وبلاش تركز فى ردك على ناس معينين ،شوف الناس التانية وتواصل معاهم
وممكن كمان تعرف كل أصحابك بالمنتدى ويشاركوا معانا فى المنتدى ومعاك
وهتكون مع أصحابك فى المنتدى وعلى الفيس بوك وفى كل مكان وهيكون فيه تشجيع كبير
فيها ايه؟؟ لو كنا مشتركين على جروب على الفيس بوك وأعضاء مع بعض فى المنتدى والشات وأصحاب فى الكلية
بعد كل ده تحب ايه ؟؟؟ عايز تكون عضو متصل ولا منفصل ؟
اسف على الاطالة ++++++++++++++++++ اذكرونى فى صلواتكم أوين
الثلاثاء فبراير 14, 2012 3:31 pm
